小吉豬 37W3D

還有18日... 小吉豬就出黎啦！
但有預感小吉豬會早過18日出黎...不知這個預感準不準呢?

距離生產期越近，神奇地開始「冷靜了」不再那麼怕痛，反而好奇想知會有幾痛&生產過程究竟會係點
當然，最期待就是第一次親手抱住小吉豬的一刻... 會是軟棉棉的? 還是像肚內一樣腳仔大力撐撐的?

雖然近期聽了N位同事的產前、產後分享，但目前對「產後」的生活仍然是一個迷... 見步行步吧~
Daniel 與我... 2個人總可以想出個辦法來的！

近日豬B 胎動越來越強，琴晚終於比我capture 到勁撐既時刻啦~

小吉豬 37W0D

小吉豬正式踏入足月週數啦！
從第一次的超聲波，看著小吉豬由一粒「豆」開始慢慢成長，至年初四(35週)看到小吉豬長大到充滿我整個肚皮
從第一次疑幻疑真的「胎動」，至現在差點撐爆肚皮的「強勁胎動」
整個懷孕過程真的很奇妙呀！

正式踏入足月週數，有種放下心頭大石的感覺... 快要和你這個豬B 見面啦，心情有點緊張呢！

常聽別人說肚內的BB 未有思想，但這個小豬B 已多次表達「有邏輯」的反應... haha, 有我DND 確實與別不同呢~

小吉豬 36W6D

還有一天，小吉豬就踏入第37週啦！將會正式成為足月BB，可以隨時準備爆出來見大家
距離預產期只剩22日，真的既緊張又心急呀

回顧過去2天的點滴先~

2019年2月16日- 白鴿仔開年飯
今年開年飯係新港城莆田食，哈哈~ 雖然住係樓上，但其實這間餐廳多年來我都未去過
招呼就麻麻，不過食物倘算OK 啦

食完開年飯，去左冒險樂園玩左陣... 上次無緣得到的「薯條」，今次竟然遇到有人中了綠獎但選擇要飛...與我們交換後成功換到「薯條」！哈哈， Lucky 呢~
玩過冒險樂園，就帶蓓蓓去馬鞍山公園玩滑梯
小朋友望著滑梯，眼就自然地發出「閃光」，二話不說就衝入去玩啦
哈哈，不知豬B 會唔會都是這樣的呢?

不知是否擋剎的原故，近期魚缸突然「自我毀滅」了過半數的魚，連我的小魚B 亦走清光
花家的魚缸更變為零，連養了10多年的青道夫亦走了，還懶我的泡泡魚累他們家的魚走清光，這是什麼道理來?!
不想看見魚缸冷冷清清的，所以晚上去了旺角「補魚」，買了6條藍眼燈燈及8條孔雀魚 (隔天其中一條孔雀魚跳了出來自殺走了)
希望這缸魚可以成功養到吧

豬B 的晚飯小記
話說夜晚去了大家樂，我選了焗豬扒飯，豬爸選了鐵板牛
近期豬B 非常喜歡蕃茄，每次食蕃茄 or 飲蕃茄湯都會特別的興奮用撐腳仔表達他的開心
所以呢... 在我食焗豬扒飯的過程，我個肚快被豬B 踢瘀啦~
食完...滿足的腳unun

無聊四處望... 突然見到豬爸鐵板上有半個蕃茄！
不知是否豬B 可以看到我看的東西，二話不說就起勢的撐我，就好像說「我見到有蕃茄呀！食啦食啦...」
不停的又踢又撐...但這個蕃茄癡住牛扒嘛，我不能食的呀
說笑的說「豬爸你不如找個碗蓋住個蕃茄，我望不到的話看看豬B 會否靜落黎?」
豬爸跟著就用碗蓋住那個蕃茄... 即時... 是即時，豬B 就不再撐改為轉身用手指仔督我的內臟！
豬B，你這是發脾氣嗎?
一個未出世的BB，也會懂得發脾氣的嗎? 真的很神奇呀！
不知這是我們的「幻想」，還是豬B真的能理解我們的說話。豬B多次「有邏輯」的表現，真的令我們頻頻稱奇呢！

2019年2月17日- 花太慶祝生日
晚飯慶祝，日間當然就是準備豬B 出世的東東啦~ 又是洗衫、消毒奶樽、執走佬袋等等環節
小豬B，人仔細細，衫褲鞋襪、日用品、玩具真的有好多好多.............. 已佔據屋企大部份位置啦
當然，作為興奮期待見到豬B的我們，很樂意割讓整間屋比小豬B 啦~

今年買了美心幻彩小馬蛋糕。這個蛋糕原本是想用來慶祝我生日的...怎料菲仔突然起程回貓星，一併帶走我慶祝生日的心情
昨晚影相環節，我還是「習慣」的想入房抱菲仔出來合照...起身的一剎那才驚覺「這已是回憶」

小吉豬 36W3D

2019年2月14日- 最後的二人世界情人節

今年有大小情人陪我過情人節💕 

豬B 好像聽得懂我們的對話，我地講野佢會有反應，仲成日係度搞搞震😆

幸運的，買到麥噹噹last 一個玫瑰cake，仲要無端端比discount 我呢！

~大小情人的互動~ 

豬爸: 今年係我地最後一個二人世界情人節呀，出年就會多左豬B 啦

豬B:  腳板仔撐撐撐 & 手指仔督督督

(翻譯: 喂喂...今年有我呢個小鮮肉係度wo...豬爸你地位不保啦~) 

只要豬爸一掂我個肚，豬仔就會用腳仔大力撐開佢隻手，呢個小情敵好惡呀 (感覺就好似話: 發現敵人，攻擊！)

豬爸: 難得買到麥噹噹情人節版玫瑰蛋糕，影張相留念先

豬B: 勁力十足的用腳板仔撐撐撐(大少....我個肚呀，就快瘀啦😵)

(翻譯:我聞到有甜品食... 唔好影啦... 我要食甜品，快D 食啦!)

最後呢... 豬B食左一啖感覺唔岩囗味... 無反即時閃走左 (平時合囗味的話會開心的un 腳仔架嘛)

情人節=產檢日

今日去健康院，又是老問題啦~ 我的心跳過快

專登早點去「坐」，用了30分鐘「冷靜心跳」... 度出來仍然是 111 😣

再被指令「呆坐」15分鐘... 度出來有進步呀... 110 囉 😒

見醫生... 健康院的醫生感覺都是hea hea 地的

摸肚、度心跳 = 完成產檢

巡例問近日狀況

醫生: 你近日有無咩唔妥?

我: 近2日手指關節痛+左耳耳塞

醫生:: 咁你應該儘快去睇醫生

我: ....... 你不就是醫生嗎? 

豬仔倒數25日

小吉豬36W0D

今日已正式踏入懷孕的第10個月: 36週0日，距離預產期只剩28天
心情仍然是驚喜交雜，很難用文字去形容
一心是想快點見到小吉豬;另一心又怕陣痛+產後坐月的痛...
唯有又用那句名言自我安慰下: 洗濕左個頭，都返唔到轉頭架啦~

36週0日: 倒數28日

上星期是農曆新年，略記一下今年過節的點點滴滴吧
2019年1月30日(年廿五):  逛沙田年宵
兩個字形容: 冷清！
可能是第一日開檔的關係，大部份攤位都只是「準備中」
不過可能今年新年前夕天氣暖，很多年花都已盛開
是日乜都買唔到，逛了15分鐘就回家去

後記: 花家年三十晚逛沙田年宵，竟然多人到要運動場外排隊等候進場！仲買了盤蕃茄仔比我地種，目前有一粒大茄變左紅色啦！

冷清的沙田年宵

2019年2月3日 (年廿九): 逛花墟
對比沙田年宵，花墟就熱鬧得多了！
人頭湧湧，一直要小心的用手護住小吉豬
不知小豬是否想感受新年氣氛，整天都唔肯覺覺豬，還要「癡住」肚皮面「感受」熱鬧的氣氛... 哈哈！這個八掛的小朋友
只有數日生命的年花就沒太大興趣，倒喜歡看看可以長種的小盆栽
今日的收穫不錯，合眼緣的買了3棵小盆栽回家

朗豪坊遇見一籠豬B包包，豬爸話一定要留影... 哈哈

新年期間開花啦~

2019年2月3日(年廿九): 辦年貨
飲完早茶，同花太去market place 買新年賀禮
小吉豬又再一次發揮他的小威力！令到花太話要Pat 佢呢~ 哈哈！
1. 話說花太看中「混合版糖蓮子、糖蓮藕」，但搵極都只有一包...我隨意取起一包~ 這不就是花太搵了數分數的混合版嗎?
2. 話說我要買3盒賀禮送分行+鄧家開年飯，正煩惱找尋「既得體又唔太貴」的賀禮時，就出現3盒朱古力禮盒... 是剛好的3盒，不多也不少...花太想跟買都無貨
3. 話說我打算買4盒平價曲奇送禮，明明於惠康見到有很多存貨，但market place 則只剩4罐?! 幸好packing 是完好靚仔的... 同樣地，.花太想跟買都無貨
花太總結: 這個頑皮的小吉豬，幫我計好數「極速」辦完年貨就去左瞓覺覺.... 唔幫花太辦年貨，哈哈！


2019年2月5日(年初一): 鄧家開年飯
一年一度鄧家開年飯，今年同樣是沙田稻香
陀住每日都增磅的小吉豬，於新年期間行逛新城市不是一件容易的事呢！必須左閃右避，用手護肚才行呀
聽到輝叔說剛完成了十二指腸修補手術，「身體健康」真的很重要！同時亦提醒自己做事要慢慢慢，不要趕！
聽到輝嬸分享當年陀B 的「胎教」，陀仔仔時掛了一幅「兜風耳的BB相」... 生出來的仔仔真的有兜風耳 ; 陀女女時請了菲律賓藉姐姐照顧...生出來的女女有點像菲律賓藉
Well... 我日日望住Daniel, 這是否小吉豬與Daniel 相似度達90%的原因?! 哈哈哈哈！！！

腰圍40吋... no eye see~ 🙈

9個月的小豬B

今年有豬B奶皇包

鄧家開年飯

2019年2月6日(年初二): 天水團團拜
一年一度天水圍團拜，很是熱鬧！
新年嘛，當然要看看流年運程~ 真的很好笑呢
1. 屬鼠的朋友今年桃花大旺，提防身邊會有「第三者」出現 : 對呀！我的小情人小吉豬就快出現啦~不過這個小鮮肉「第三者」肯定大受歡迎之嘛... 哈哈！
2. 屬狗的朋友今年會「腸胃不適」至5月6日: Daniel 會肚痛至5月6日? 哈哈... 我真的笑到肚痛！
3. 屬狗的朋友今年是轉工好時機，尤其建議5月7日轉工: 嘩！我的產假放到5月6日，Daniel 真的是5月7日開始接手湊小豬B，呢個「預言」真的準呀！
4. 屬鼠的朋友今年銀包會乾塘; 屬虎的朋友會跌銀包; 屬龍的朋友會「谷底翻身」... 哈哈！！！
5. 屬狗的朋友今年應該去個短途旅行: 對呀，Daniel 不是說要帶小豬B 去公園玩嗎?
6. 屬豬的朋友今年要設宴款待親朋戚友: 屬豬的小吉豬會擺百日宴的呀... 哈哈哈哈！

叮噹傑作: 豬仔錢罌，好可愛呀

團拜順道慶祝花太&婉表姐生日

2019年2月7日(年初三): 馬場日
年初三嘛，當然按傳統入馬場碰碰運氣啦！
今年帶著「違禁品」小吉豬入馬場... 哈哈，小吉豬下次入馬場應該會是18年後的啦~
買第六場6號馬仔... 勁呀！跑第一呢 (倒數的說)
Daniel 買第七場7號馬仔再搭d 唔知乜時，說「若贏到錢買玩具比小豬」，結果真的中了....$20！哈哈哈哈
夜晚切左Daniel 假期前抽中的「金菠蘿」，好甜呀！

馬場行大運

9個月的小豬B... 我的肚很圓呀！

花太💩橋成功將半熟菠蘿變成全熟！

2019年2月8日(年初四): 產檢日
整個新年假期，最期待的就是年初四！威院超聲波產檢，可以探下小吉豬
豬年當然要見下豬仔啦~知道有超聲波，Daniel 專登請假一同去見下豬B
實際這是「會陰檢查」順道產檢，檢查了什麼不太重要，重要的是照超聲波睇豬B這個環節，嘻嘻
小吉豬，我們總是見不到你的豬樣... 今次仍然是用手遮住半個豬臉！明顯係度悠閒地食緊手指
醫生細仔的量度豬B 的頭圍、檢視心臟、胃、膀胱等的重要器官... 一切正常
為免看錯，請醫生再次確認小吉豬的性別... 當探頭一移到腳仔，小吉豬的「豪邁」姿勢已完全表達「不用再確認，我是豬仔啦」，連醫生都忍不住笑了出來... 小吉豬，豬臉就收收埋埋扮神秘，重要部位就每次都「豪邁」的任人睇... 這是誰的遺傳呀?!
檢查腳仔時，剛好見到2隻大腳板。無錯，這就是我近日經常感覺到的大腳板無誤！！！還有那粗粗的豬大脾.... 難怪我個肚就快比小豬你踢瘀啦！

大腳板無誤