2017紀念日

轉眼間已是2017
慶祝12週年相識 & 2週年結婚紀念日

近期無論是公事、家事都發生了很多麻煩事
每年期待的10月22日，都變得沒有特別

去年定下的3個傳統:
1. Snoopy 餐廳慶祝 -> 原本的舖頭沒有了... 感覺不一樣; 別外，Daniel 生日因為不知去哪裡慶祝，最後去了新Snoopy 餐廳
2. 映月樓影相 -> 往事只能回味... 映月樓已改名翠韻軒... 完全是九唔搭八的感覺
3. 購買生肖首飾 -> 12/10 到觀塘參加公司VR 打Song C 遊戲，路經APM 已買了

就是... 3個傳統呢，1個都保持不到
雖然意義有點無聊，但感覺就是「不是味兒」

就簡單記下「慶祝」流程
1. 早餐: 樓下茶記
2. 出發去尖沙咀 (還未知映月樓已改頭換面啦)，行過文化中心外的墟市...買了2枝布藝玫瑰❤ 行上樓梯發現映。月。樓。不。見。了！大家同時O了咀😲😲
3. 肚餓打算食個Tea 再去荃灣 (實在想不到去哪裡，就是但去荃灣吧😐)，點知行到去前woodhouse 商場發現大家樂停舖裝修😶
4. 無奈下，搭地鐵去荃灣
5. 荃灣玩督公仔 (竟然有得督翠兒)，當然啦... 不成功
6. 影貼紙相，自從有了手機，基本上已N年無用錢影過相！😣 全日文的呢，完全無準備下影影影... 效果..... Daniel 對 👀 大到好似ET 咁
7. 中途加多個節目... 行新開張的荃灣IKEA... 竟然要排隊入去😨 買左隻IKEA 小狗後極速閃人... 要行的話返沙田吧
8. 荃心N期玩夾紙仔... 玩了$150都只有5個成功夾到，擺明個夾做過手腳，激到彈起！不過Daniel 頗幸運，拋彩虹中了好多禮物 (雖然99%都是無謂野)😝
9. 早早搭車回馬鞍山等食牛魔宵夜任食buffet... 近期可能食得清淡+無心情... 食得一轉已停手

就是這樣... 期待已久的慶祝日過了。