狗年快樂！

今日是大年初五 (狗年)，開工大吉！

放假日子特別快過，轉眼已放完4日年假

年三十晚
公司皇恩浩盪提早收30分鐘😳 真的很多呢 ..........
Daniel 3點幾收爐，買了2盤小草過黎接我放工💓 再一齊去博康食團年飯
(小插曲)因為某人情緒問題，提早半個鐘收枱兼食年夜飯... 11:45分急急腳切離博康歸家
桔仔差點笑到肚爆線

年初一 ~ 年初四
年初一
~花生例牌做大廚，蘿蔔糕開年！
~中午鄧家開年飯 @ 沙田稻香，Book 枱都要等1小時才有位😱 早知我地就早點到攞位先行街啦 (下年要記得呢點😉)
~新年流流當然是打牌！中午打到凌晨... 哈哈哈哈！😁

年初二
~蘿蔔糕&蘿蔔糕&蘿蔔糕...
~食完出發到旺角幫花生買電話，再去添馬艦行大運！
花生加入成為ASUS粉絲，買了出廠才1個月的新型號zenfone 4 Plus 😎
添馬艦政總都是首次行逛... 原來是這般的大！可能是無人的關係，感覺更加空擴
5個人亂行一通，有點去旅行既感覺😝
山長水遠(搭車又搭船)，過海晚餐@大家樂😆食完搭船返尖沙咀搭車返歸

年初三
~蘿蔔糕&蘿蔔糕&蘿蔔糕...
~今年唔去拜年，百無了賴當然是打牌啦
~😎發個新年財，輸2鋪清一色都仲可以贏$80！ 花生&花太做我上家都不是我對手
~夜晚抱住菲豬齊齊睇怪獸大學😅菲豬瞓到有鼻寒聲，哈哈

年初四
~蘿蔔糕&蘿蔔糕&蘿蔔糕...
~預早慶祝花太生日，買了個「盤菜蛋糕」; 2磅蛋糕竟然一次過K.O. 😤
~食完飯感到假期已結束... 心情急速轉下😩

新年行大運

花太迷利生日會