再過多數十天就到30週... 40週... 小豬B 出世啦！
近期心情真的有點反覆，一時很想快點到3月見到小豬B; 一時又擔心小豬B 可否順利出世
哈哈，近期不停的逛嬰兒用品、努力的執房...眼見睡房逐漸被小豬B 的日用品、衫褲鞋襪「侵佔」，我們的心情越來越興奮，很期待見到小豬B 呢~
2018年12月14日 (五) - IKEA 奇遇記
中午收到馬會電郵通知可領取$50 Starbucks coupon，為免大頭蝦唔記得，當日放工即閃去取禮品
Daniel 交收完畢就往旺角會合我... 怎知見面第一句就說: 不如去IKEA 食晚飯?
我: 我地在旺角，為什麼要轉折去沙田? 不是說回家求其淥個麵嗎?
鄧: 我突然想去食 IKEA，有肉丸bo
我: (聽到肉丸就心思思.. 嘻嘻) OK, 咁去IKEA 啦
IKEA 呢... 咪中伏囉... 我的銀包比人放血呢
話說再上星期才逛過IKEA，「望」過小豬B 的玩具、日用品等等... 看中數件玩具，但略嫌價錢有點貴所以無買
今次呢，一踏入IKEA門口 就見到大大個poster "SALE" 掛在天花板，四處都是特價「黃色牌仔」
行到嬰兒用品部... 哈哈！上星期看中的小豬B玩具，出奇的全部有「特價」...
這個小豬B，難度知道我們要等「特價」才會買給他? 所以知道IKEA 特價就用心靈感應，叫豬爸去IKEA 買玩具?
豬爸嘛...二話不說就「買啦、這個可愛啊~買啦」貓貓搖鈴、BB床掛飾、兔仔咬咬巾.... 通通買買買
但要說最神奇的，肯定是於「特價部」出現的「哺乳U型枕」！
話說再上星期係FB 見到有媽媽免費送出「托腹帶、哺乳U型枕」，雖然沒有成功取得，但這個post 卻令我思考「哺乳枕」的重要性; 加上最後一堂BB班亦看到一張圖片，大致是說餵媽媽奶除了要有好的坐椅，「哺乳枕」都是一個好的扶助工具，BB可以安全的橫躺在枕上食奶，媽媽亦無須長期抱住數磅重的BB。
想下想下，什至於carousell 看「哺乳枕」資料呢~
一踏入「特價部」，就見到有張Sofa 上面出現一個巨型U型欖枕(完全無為意是一個哺乳枕)
見行得有點累，就順理成章坐於Sofa，用個U型欖枕墊手
鄧生隨口說句: 個欖枕好似好舒服，岩你wo.. 不如買左佢?
我: 咁大個欖枕? 我地屋企無位放啦 (看看價錢: 原價$199; 特價$120) 成$120一個欖枕太貴啦 (雖然攬著它真的幾舒服，剛好Koo住個肚)
鄧: 咦...你呢個「造型」，個欖枕用黎餵奶都OK wo
我: (望多次個price tag) um.... 這個當然啦，原來這個是「哺 乳 枕」~
我們頓時都 O 嘴，IKEA 有呢樣東東賣的嗎? 當然啦，鄧生零秒將個「哺乳枕」放入購物車
$120的特價品，經我QC眼看過後，除了有4個小釘口孔外，一切正常好靚仔 (我們還專程走到嬰兒部看「正價貨」，發現是熱銷產品，店員說剛剛已售罄，只剩掛起的display) 對比下，特價品沒有問題，那就放心購買了。
這個嬰兒部我們已逛過10多20次，但從來不知有「哺乳枕」這個產品賣呢！
小豬B，自從有了你以後，我們身邊真的發生很多令人O嘴的神奇事... 感覺就像你已安排好，只待我們去發現呢！
2018年12月15日 (六) - 小豬B 睡房執屋記
眼見小豬B的用品、衫褲越來越多，隔天又會到千色取BB床。終於「的起心肝」去清清小豬B睡房的雜物
上星期豬爸已開始清理8成雜物，掉的掉，搬往迷利倉的就入箱... 弄得滿頭大汗
今個星期就輪到我清理櫃筒... 大工程啊！
一次過執拾窗台的3個櫃筒，用了我整整3小時呢！
腦中一直想著小豬B，多年來儲落的「紀念品」大部份頓時覺得「不再重要」...次要的就掉，留下的如有位置放就留，沒位置的就「當看不到...掉吧」清呀清，竟然給我清出一整個櫃筒的空間！很有成功感呢~
豬爸放工回來，匆匆食過午餐，旋即call GO GO VAN 運10箱雜物去迷利倉
整個運送過程很是順利，就連倉位都出奇的「有位剩」，我和豬爸都覺得神奇，平時執貨都唔太夠位，為何今次加10箱雜物又會有位剩的呢... 小豬B，又是你嗎?
都說小豬B 會幫我們安排好一切，早上無聊的碌FB，竟然發現葵涌Pama 倉又剛巧於星期六/日開倉 (上次想去買片片、濕紙巾，無奈只限平日7點前，去不到呢)
搬倉完畢，當然火速去Pama 倉掃貨 (所謂的火速... 比龜速快一點啦) 。事前說笑的說早上執房時發現地上有$320，難度是小豬B 暗示要買很多東西?
當然啦，難得去到嬰兒用品倉，又怎會只買片片&濕紙巾呢
買買買... 買了部份走佬袋的東東
買買買... 買了一堆小豬B 襪仔($1 對，無理由唔買), 麵包超人口水肩, 衫仔, 沙魚帽仔 (哈哈，這個肯定會買啦), 小豬造型玩具....
最後4張紅衫魚就游左去人地收銀機lu...
但扣除走佬袋用品，只計小豬B的用品，價錢又真的是$3xx....小豬B，未出世已懂得「自己搵錢買野?」哈哈！
執房前，無聊的自拍一輪... 看著照片，對著肚說了句: 小豬B你又大個左啦！
 |
| 27週，肚圍37吋 |
 |
| 側身看，有種陀住個復活蛋的感覺 |
2018年12月16日(日)- 取BB 床
10月「突然發現大減價」時訂購的BB床，終於取貨拎返屋企啦。由豬爸負責拎，箭步抱回家。望一望重量.. 10KG...嘩，即有成22磅多.... 很重呀！
 |
| 值得留念 |
是日夜晚出席白鴿仔gathering，可能是星期六執屋、搬倉、買豬B野太累的關係，精神有點難集中。不過，亦因為去沙田，讓我可到IKEA 買到上次忘記買的透明水杯
不過呢... 我們竟然完全忘記要去Watson's取BB會迎新禮品！
還是... 小豬B 你又另有安排呢?
 |
| 新城市聖誕燈飾 |
小記2則:
1. 近日連續2天發夢見到一個小男B，場景感覺就是我們的床邊，由我or Daniel 抱著。小B的頭髮又濃又黑，樣子十分趣致可愛，還會不停的「打呵欠」O嘴樣...感覺鼻仔、嘴仔有我的影子，其餘就有點像Daniel... 難度這就是小豬B?走入我的夢，給我見下? 嘻嘻~
2. 今早返工搭車覺得熱，除下大褸放係肚... 小豬B突然極力上下左右亂踢一通，隨即攞起件褸... 即時停止亂踢。心想，難度佢對「光」感到新奇? 要係我肚內「望」下這個世界? 就做多個實驗，用個袋遮住個肚.... 哈哈，秒速又感到 小豬B上下左右的亂踢... 這個小豬B，網上說28週的BB眼仔發育階段接近完成，開始有「追光源」的情況... 你真的很準時呢！
明天健康院產檢，希望一切順利！
後天最後一次中大宮頸研究檢查，亦希望一切順利... 照超聲波時，給我們見下你的樣子可以嗎? 錫到你燶的豬爸可是專登放假去見你一面的啊~
沒有留言:
張貼留言